Informazio orokorra

Arrigorriaga BHIk jantoki-zerbitzu publikoa eskaintzen du. 

(Hezkuntza Sailaren 2000ko martxoaren 22ko 1420. aginduan eta Institutuko AJAko  IV kapituluan oinarritzen da)

Jantokiko kuotak:

1. Ohiko bazkaltiarrak:

   1. 1. 1. • Garraiatuak, 3,30€ menua.

            • Ez garraiatuak, 4,60€ menua.

2. Behin-behineko bazkaltiarra:

   1. 1. 1. • 5,20€ menua.                                                            

Oharra: Hezkuntza Sailak prezio hauek gaurkotu ditzake.

Beka eskatzen dutenek dagozkien ordainagiriak ordainduko dituzte beka jaso arte, eta ondoren itzuliko zaizkie ordaindutako kuotak.

Alta-baja ematea:

Zerbitzuan alta-baja eman nahi duen familiak idatziz jakinarazi beharko dio jantokiko arduradunari astebete lehenago gutxienez.

Aurreko ikasturtean jantokia erabili izanak ez du hurrengo ikasturterako plaza izateko eskubiderik ematen. Horregatik, ekainaren amaieran inkesta bat bidaliko da hurrengo ikasturterako jangelako plaza erreserbatzeko. Arduradunari ere jakinarazi ahal izango dio posta elektronikoz, edo ikasle berrien kasuan, matrikulatzean.

Bertaratzea: 

Jantoki-zerbitzura huts eginez gero, horren arduradunari jakinarazi beharko zaio, ahal dela aldez aurretik jakinarazita eta ondoren idatziz justifikatuta. 

Familiaren batek bere seme-alaba jantokiko zerbitzura ez etortzea erabakitzen badu, 5 egun edo gehiagoko aurrerapenarekin abisatu beharko dio jantokiko-arduradunari.

Jantokiko arduraduna, heziketa bereziko laguntzailea eta langileria:

1. Jantokiko arduraduna klaustrokidea den irakasle bat da.

2. Jantokiko langileak bi motakoak dira: 

   • sukaldeko-langileak 

   • jantokiko-begiraleak 

3. Heziketa Bereziko laguntzaileak premia bereziak dituzten ikasleen ardura eta zaintza hartzen du, bai jantokian bai jantokiko aisialdietan.